而家做 Marketing，大家第一時間可能諗起 Facebook Ads、Google Ads 或 EDM，但其實傳統嘅 Direct Mail Marketing（直郵推廣），到今日仍然係唔少香港企業會用嘅宣傳方法。
直郵推廣就係將宣傳單張、優惠券、產品資料、會員通知或者推廣信，直接寄到目標客戶屋企或者公司。同網上廣告最大分別係，直郵寄嘅係一件「實物」。客人真係會拎上手、拆信、睇內容，所以如果設計同 targeting 做得好，反而可以比一般網上廣告更加容易令人留意到。
做直郵推廣的兩大優勢：
1）更容易突圍，減少被「一掃而過」
Online Ads 最大問題係競爭太激烈。
客人每日打開 Facebook、Instagram、YouTube、Email，已經會見到大量廣告。當所有品牌都喺同一個畫面爭注意力，廣告就算設計得幾靚，都有機會幾秒內被 Scroll 過、Skip 掉，甚至根本冇真正睇清楚內容。
Direct Mail 就唔同。
當一封實體郵件真正寄到屋企或者公司，佢唔會同幾十個廣告一齊擠喺同一個 Screen 入面。收件人需要實際拎起、打開、閱讀，品牌自然有一個更獨立嘅接觸空間。尤其如果信封上面有客戶姓名、公司名稱或者專屬訊息，更容易令人感覺：「呢封係特登寄俾我。」
而且 Direct Mail 仲有一樣 Online Ads 比較難取代嘅地方，就係實體質感。
紙張厚薄、印刷質素、顏色、版面設計、信封選材，甚至摺頁同開信方式，都會直接影響客戶對品牌嘅印象。做得好，一封普通郵件都可以變成一個有質感、有記憶點嘅 Brand Touchpoint；對企業服務尤其重要，因為專業感同可信度好多時就係由呢啲細節建立出嚟。
所以 Direct Mail 嘅優勢唔只係「實體」，而係可以喺資訊過量嘅環境入面，提供一個停留時間更長、品牌體驗更完整嘅溝通方式。
2）搵啱時機，更精準 Target 目標客戶
Direct Mail 嘅好處係，可以配合名單王每日更新嘅香港企業名單，做更精準嘅 Targeting，例如按：
- 行業
- 規模
- 地區
- 成立年份／發展階段
去篩選真正想接觸嘅企業，而唔係將同一個訊息廣泛投放出去，等演算法幫你估邊個可能有興趣。
對 B2B Marketing 嚟講，搵啱公司固然重要，但「幾時搵佢」其實同樣重要。
企業喺唔同發展階段，面對嘅需要會完全唔同。新公司成立初期，可能正處理寬頻、MPF、銀行戶口、辦公室設備、網站等基本營運需要；營運一段時間之後，需求可能轉向會計、報稅、融資、市場推廣、人力資源等服務；去到業務成熟或者準備擴張，亦可能開始考慮政府資助、IT 系統升級、商業顧問或者其他企業方案。所以，同一間公司，喺唔同時間點，對你嘅服務需求可以完全唔同。
相比一般 Online Ads 主要靠興趣同標籤去估計邊個「可能有興趣」，名單王會按企業發展階段捕捉潛在商機，喺客戶最有機會需要你服務嘅黃金時機率先接觸，搵客自然更準。
如果你公司有幾千封甚至幾萬封郵件要處理，其實未必要自己印名單、逐封入、逐封寄。名單王可以協助處理由企業名單整理、印刷，到大量投寄嘅整個直郵宣傳流程，幫你喺啱嘅時間，將訊息送到啱嘅企業手上。你只需要專心等 Enquiry，其餘交俾我哋。
想開始做 Direct Mail？即刻聯絡名單王，搵啱客、揀啱時機、一次過寄出去。
