透過香港郵政通函服務，你可以按指定地區同樓宇派發宣傳單張，毋須逐個填寫收件人姓名同地址，輕鬆接觸更多潛在客戶！不過，設計好傳單唔代表可以即刻寄出！香港郵政對通函嘅格式有指定要求，印刷前亦需要先提交稿件審批。
今篇郵政通函教學會帶你一步步了解格式要求、收費同投寄流程，幫你避開常見錯誤，減少反覆改稿嘅麻煩，令整個寄件過程更加順利！
郵政通函格式要求：尺寸、重量及厚度
一般郵政通函嘅基本規格如下：
| 項目 | 規格 |
|---|---|
| 最小尺寸 | 90 × 140 毫米 |
| 最大尺寸 | 150 × 220 毫米 |
| 重量上限 | 每件 150 克 |
| 厚度 | 最薄 0.1 毫米；最厚 10 毫米 (約128克重的粉紙厚度) |
| 一般形狀 | 正方形或長方形。
如果使用「百變形狀」通函郵寄服務，就要喺正式印刷同投寄前，先將實物樣本交到指定郵政局**審批，並取得書面批准，先可以正式寄出。 **指定郵政局包括：中環郵政總署、九龍中央郵政局及荃灣郵政局。 |
| 可投遞物件 | 信封、明信片、單張、小冊子、樣本及贈品 |
郵政通函設計要求
設計郵政通函嘅時候，除咗要吸引眼球，仲要留意以下要求：
1）投遞標記
或 
單張右上角須印上香港郵政指定嘅通函投遞標記，尺寸要求為：
- 最小：20 毫米闊 × 15 毫米高
- 最大：40 毫米闊 × 30 毫米高
標記可以喺下面嘅連結下載。做設計嗰陣記得預留位置，唔好拉到變形、裁走一部分，或者畀其他圖案遮住。
2）加入「不收取通函」聲明
香港郵政唔會將一般通函派遞到貼有「不收取通函」標貼嘅信箱，所以寄件人需要喺宣傳單張上加入相關聲明：
「如你不欲收取通函郵件，請在信箱貼上『不收取通函』標貼。標貼可於全線郵政局、各區民政事務處的民政諮詢中心、公共屋邨辦事處和個別私人屋苑的管理處免費索取。請注意，『不收取通函』標貼機制並不涵蓋由政府及相關機構/立法會議員、區議會議員、選舉候選人和根據《稅務條例》第88條合資格獲豁免繳稅的慈善機構所投寄的通函郵件。」
3）郵件封口
如果通函夾有附件，記得要將郵件封好。唔同摺法嘅通函，封口位置亦有唔同要求：
-
小冊子形式：需要喺最長一邊嘅中央位置用膠紙封口。
-
Z 形摺疊單張：需要喺最長兩邊嘅中央位置分別用膠紙封口。
最低投寄量
郵政通函每次最低投寄量係 2,000 份相同函件。
郵費
郵費會按重量、形狀、地區同派遞方式而唔同。官方頁面列出嘅收費如下：
| 每件郵件重量不超過 | 一般形狀 | 百變形狀 | |||
|---|---|---|---|---|---|
| 一般地區 | 離島及 偏遠地區 |
只適用於一般地區 | |||
| 集中的信箱 | 上門派遞 | 集中的信箱 | 上門派遞 | ||
| 30克 | $0.9 | $1.1 | $1.5 | $1.1 | $1.3 |
| 50克 | $1.3 | $1.6 | $2.3 | $1.5 | $1.8 |
| 100克 | $1.8 | $2.2 | $3.1 | $2.1 | $2.5 |
| 150克 | $2.0 | $2.4 | $3.9 | $2.3 | $2.7 |
郵政通函申請流程
寄郵政通函流程唔算太複雜，只要跟住以下幾個步驟就得！
步驟1：揀選目標地區及派遞範圍
首先，你要決定想將宣傳單張派去邊啲地區。
可以登入香港郵政通函服務平台，登記成為用戶，再透過關鍵字、地區或者地圖搜尋功能，揀選目標派遞範圍，並查閱所需嘅通函數量。
步驟2：提交通函設計稿，等候審批
揀好派遞範圍後，就可以準備通函設計稿同申請資料，透過香港郵政通函服務平台提交審批。
記住！一定要等香港郵政正式批核設計稿，先好安排大量印刷，避免因為格式唔符合要求而要重新印製，浪費時間同成本。
步驟3：印刷、整理及正式投寄
收到香港郵政嘅審批確認後，就可以正式安排印刷！
印好嘅通函需要按同一方向疊放，每100份整理成一紮，方便郵政人員處理。
最後，帶同已印妥嘅通函同獲批核嘅申請表格，前往負責審批嘅郵政局辦理投寄手續，並繳付所需郵費，就完成啦！
唔識設計、嫌投寄手續麻煩？交俾名單王幫你搞掂！
名單王提供一站式郵政通函代寄服務，由目標客戶篩選、傳單設計、印刷製作，到郵政通函申請及投寄安排，全程幫你跟進，慳返大量行政同物流時間。你只需要話俾我哋知想推廣咩產品或服務、目標客戶係邊個，其他繁複工序就交俾我哋處理，等你可以專心做好生意！
立即 WhatsApp 聯絡名單王，了解郵政通函代寄服務！
